Бүген 90 яшьлек юбилеен билгеләп үтүче Ксения Ильинична Николаева-бай кеше! Өч баласы, биш оныгы, дүрт оныкчыгы! Үзе күп балалы гаиләдән. Алар бергә җыелганда шатлана ,Аллаһы Тәгаләдән аларны саклавын сорый, сау-сәламәт булсын, ди.
Сугыштан соң ул Чувашиядән яр буе Морквашына күчеп килә. Ул вакытка биредә әти-әнисе, сеңлесе яшәгән. "Балык тирәнрәк урынны, ә кеше яхшырак урынны эзли, диләр.". Шуннан бирле биредә яши дә инде. Колхозда, ял йортында төрле эшләрдә эшли. Теләсә нинди эшкә алындым. Кечкенәдән эшләргә өйрәндем. Балаларын да хезмәткә өйрәтте.